«Ja laču damoŭ. Na žal». Lohkaatletka Darja Barysievič pakidaje hulni z-za traŭmy
Biełaruskaja lohkaatletka Darja Barysievič nie vystupić na Alimpijadzie ŭ Tokia.
«Ja laču dadomu! Na žal, AH projduć bieź mianie. Praviedziena vialikaja praca, nabrana dobraja forma i… traŭma. Surjoznaja traŭma, pry jakoj moj udzieł u biehu na 1500 m akazaŭsia niemahčymym.
Ciažka pieradać maje pačućci i emocyi… Dziakuj usim, chto znachodziŭsia pobač, padtrymlivaŭ i padtrymlivaje kožnuju chvilinku!»
«Ja žadaju ŭsioj biełaruskaj kamandzie ŭdałaha vystupu, budu zaŭzieć za kožnaha! Bo vydatna viedaju, praź jakuju pracu i bol (va ŭsich sensach) treba prajści, kab adabracca i padrychtavacca da AH. Usim vialikich pośpiechaŭ i dziakuj!» — napisała Barysievič u svaim Facebook.
U biełarusaŭ pakul niama miedaloŭ na Alimpijadzie. Najlepšyja šancy buduć pad kaniec tydnia, kali projduć finały ŭ alimpijskaha čempijona ŭ batucie Ułada Hančarova (subota) i skakuna ŭ vyšyniu Maksima Niedasiekava (niadziela). Siońnia 100 m volnym stylem płyvie Anastasija Škurdaj.