Jak u Breście raźvitalisia z Majkłam Džeksanam
Adnačasova z pachavańniem pop-karala ŭ Łos-Andželesie, u horadzie nad Buham niekalki socień čałaviek pad pieśni śpievaka zapalili śviečki. Fotarepartaž.
Adnačasova z pachavańniem pop-karala ŭ Łos-Andželesie, u horadzie nad Buham niekalki socień čałaviek pad pieśni śpievaka zapalili śviečki.
Pryblizna a 20-j hadzinie ŭ Breście sabrałasia kala dźviuch socień čałaviek. Kožny prynios z saboj śviečku. Viečar raźvitańnia pačaŭsia z chviliny maŭčańnia. Paśla na ahromistym pałotniščy z fota Majkła i hadami jaho žyćcia ŭsim prysutnym prapanavali napisać svaje pažadańni kumiru, jaki pajšoŭ z žyćcia. Paźniej hetaje pałotnišča dašluć pa pošcie ŭ aficyjny fan-kłub śpievaka ŭ Łos-Andželes.
Raźvitvalisia z Majkłam Džeksanam pad jahonyja najlepšyja kampazicyi: Billie Jean, Bad, Beat It, Black or White, You Are Not Alone dy inš.
Siarod tych, chto pryjšoŭ u toj viečar byli jak prychilniki tvorčaści, tak i zvyčajnyja ludzi. Kožny prysutny atrymaŭ u padarunak pamiatnuju paštoŭku z vyjavaj karala pop-muzyki i jaho aŭtohrafa. Kulminacyjaj viečaru stała vykładvańnie z pryniesienych śviečak nadpisu WE LOVE YOU, MICHAEL.
Paśla hetaha ŭsie ŭzialisia za ruki i stali ŭ vializnaje koła pad pieśni Heal the World i We are the World.