Litva admoviła ŭ pravavoj dapamozie pa kryminalnaj «spravie ab hienacydzie nasielnictva Biełarusi»
«Źviartajučysia ŭ červieni za sadziejničańniem da kampietentnaj ustanovy Litvy, Hienprakuratura Biełarusi paviedamiła, što śledstva pa spravie nakiravana na ŭstalavańnie faktaŭ ździajśnieńnia nacystami i ich pamahatymi, bandfarmavańniami ŭ chodzie Vialikaj Ajčynnaj vajny i ŭ paślavajenny pieryjad na terytoryi BSSR dziejańniaŭ pa płanamiernym źniščeńni savieckich hramadzian, u tym liku biełarusaŭ i pradstaŭnikoŭ inšych nacyjanalnaściaŭ», — adznačyli ŭ Hienieralnaj prakuratury.
Hienprakuratura chacieła dapytać 94-hadovaha eks-prezidenta Litvy Vałdasa Adamkusa, zaznačajučy, što jon słužyŭ u Minsku pry litoŭskim bataljonie, jakim kiravaŭ Antanas Ludvikas Impulavičus-Impulenas («Minski miaśnik»).
U Litvie zajavili, što Adamkus nie mieŭ nijakaha dačynieńnia da bataljona.
U krasaviku 2021 hoda Hienieralnaja prakuratura raspačała kryminalnuju spravu ab hienacydzie biełaruskaha nasielnictva ŭ hady Vialikaj Ajčynnaj vajny. Viedamstva płanavała pastavić u ramkach mižnarodnych dahavoraŭ pytańnie ab vydačy šerahu złačyncaŭ, jakija jašče žyvyja, i ŭžo zaprasiła ŭ Rasii, Hiermanii i inšych krain pravavuju dapamohu ŭ rasśledavańni hetaj spravy.