Polski ŭrad: Na terytoryi Biełarusi znachodziacca 10 tysiač mihrantaŭ, što žadajuć pierasiačy miažu ES
U suviazi z hetym na polska-biełaruskaj miažy nieabchodnyja nadzvyčajnyja miery, ličyć pres-sakratar polskaha ŭrada, paviedamlaje Polskaje radyjo.
Na polska-biełaruskaj miažy nieabchodnyja nadzvyčajnyja miery, ličyć pres-sakratar polskaha ŭrada. Piotr Miuler zajaviŭ, što ciapier na terytoryi Biełarusi znachodzicca kala 10 tysiač imihrantaŭ:
— Chutčej za ŭsio, płan byŭ taki, kab usie hetyja asoby razam pierasiekli miežy Polščy, Łatvii, Litvy, to-bok miažu Jeŭrasajuza. Nas ciešyć, što ciapier — a nie tak, jak niekalki hadoŭ tamu — Jeŭrakamisija i inšyja krainy-siabry padtrymlivajuć nas pa spravie ŭzmacnieńnia achovy miežaŭ.
Nahadvajem, u suviazi z rostam kolkaści mihrantaŭ na polska-biełaruskaj miažy ŭčora ŭrad źviarnuŭsia da prezidenta Polščy z prośbaj uvieści nadzvyčajnaje stanovišča ŭ pamiežnych rehijonach Lublinskaha i Padlaskaha vajavodstvaŭ. Nadzvyčajnaje stanovišča zakranie 115 nasielenych punktaŭ u Padlaskim i 68 u Lublinskim vajavodstvach.