ICAO pieraniesła razhlad spravazdačy ab prymusovaj pasadcy Ryanair
Mižnarodnaja arhanizacyja hramadzianskaj avijacyi pieraniesła na kastryčnik razhlad papiaredniaj spravazdačy pa incydencie z rejsam Ryanair Afiny — Vilnia, što prymusova pasadzili ŭ Minsku 23 maja.
Pra heta paviedamiła ahienctva «RIA Naviny» sa spasyłkaj na Departamient pa avijacyi Biełarusi.
Papiarednija vyniki rasśledavańnia ICAO pavinny byli źjavicca 13 vieraśnia, ale ŭ toj dzień ich nie apublikavali.
«Mižnarodnaja arhanizacyja hramadzianskaj avijacyi apaviaściła biełaruski bok ab pieranosie na kastryčnik razhladu papiaredniaj spravazdačy pa incydencie z samalotam kampanii Ryanair», — raspaviali ŭ departamiecie pa avijacyi.
ICAO rychtuje dakład z papiarednimi vysnovami pra incydent z samalotam avijakampanii Ryanair, jaki pasadzili ŭ Minsku 23 maja z žurnalistam Ramanam Pratasievičam na borcie.