U Rasii pačali pradavać tury na Zachad pa pryščepki ad COVID-19. Kolki kaštujuć vakcynnyja tury?
Vakcyna «Sputnik V», jakuju pieravažna vykarystoŭvajuć u Biełarusi, pakul što nie pryznanaja SAAZ, što značna ŭskładniaje padarožžy. A niekatoryja paprostu bolš daviarajuć zachodnim pryščepkam. Niekatoryja krainy pačali pradavać tury dla vakcynacyi za miažoj, u tym liku takija tury pradajuć u Rasii. DW pahladzieła, kolki kaštuje źjeździć pa pryščepku, jakaja adkryvaje miežy.
Čaściej za ŭsio ŭ Rasii prapanujuć pajezdki ŭ Sierbiju, jakaja biaspłatna pryščaplaje zamiežnikaŭ preparatami BioNTech/Pfizer, AstraZeneca i Sinopharm.
Pucioŭka na try dni, uklučajučy pieralot, pražyvańnie, charčavańnie, miedycynskuju strachoŭku i tranśfier, kaštuje kala €570.
Taksama jość tury dla vakcynacyi ŭ Hiermaniju. Pajezdka ŭ Miunchien z vakcynacyjaj adnoj dozaj preparata Pfizer/Biontech (nieabchodna dźvie dozy) abydziecca ŭ 580 jeŭra z čałavieka, u Baden-Baden dla vakcynacyi monadozaj Johnson & Johnson — 870 jeŭra z čałavieka. Košty ŭklučajuć vakcynacyju, afarmleńnie miedycynskaha zaprašeńnia, a voś pieralot, pražyvańnie i pasłuhi pierakładčyka apłačvajucca dadatkova.
Čytajcie taksama: Pinievič pra Pfizer: Ničym nie lepšaja za «Sputnik»
U SAAZ usio jašče jość pretenzii da vytvorčaści «Sputnika V». Kali vakcynu ŭchvalać?