Palitźniavoleny Anton Bialenski adbyŭ pakarańnie. Ciapier jon na voli
Pra heta paviedamlajuć pravaabaroncy. 30-hadovy Anton Bialenski — indyvidualny pradprymalnik, vałancior štaba Viktara Babaryki, vałancior inicyjatyvy «Sumlennyja ludzi».
Jaho zatrymali 10 žniŭnia 2020 hoda ŭ haścinicy «Biełaruś» na 17-m paviersie — siłaviki ŭvarvalisia ŭ numar. Za ŭdzieł u akcyi pratestu ŭ dzień vybaraŭ Antonu vystavili abvinavačvańnie pa č. 2 art. 293 Kryminalnaha kodeksa, ale pierad sudom spravu pierakvalifikavali na č. 1 art. 342 KK.
5 sakavika jaho asudzili da 1,5 hoda «chimii», jakija jon adbyŭ u vypraŭlenčaj ustanovie adkrytaha typu №24 u Hrodnie. Da suda jaho ŭtrymlivali pad vartaj amal siem miesiacaŭ.