Minabarony: Dva rasijskija stratehičnyja bambardziroŭščyki adpracoŭvajuć bajavyja zadačy na Ružanskim palihonie
Dva zvyšhukavyja stratehičnyja bambardziroŭščyki-rakietanoscy Tu-160 adpracoŭvajuć vučebna-bajavyja zadačy, u tym liku imitacyju bambakidańnia biez vykarystańnia srodkaŭ paražeńnia, na Ružanskim avijapalihonie (Bresckaja vobłaść), paviedamlaje Minabarony ŭ svaim telehram-kanale.
Adnačasova źniščalnaja avijacyja vajenna-pavietranych sił Biełarusi «vyrašyła zadaču pa ich umoŭnym pierachopie i ŭ ciapierašni čas zabiaśpiečvaje supravadžeńnie pa maršrucie palotu».
«Paloty stratehičnaj avijacyi pavietrana-kaśmičnych sił Rasijskaj Fiederacyi ŭ pavietranaj prastory Respubliki Biełaruś buduć pravodzicca na rehularnaj asnovie», — padkreślili ŭ biełaruskim vajennym viedamstvie.