Vakcyna «Sputnik V» biełaruskaj vytvorčaści pastupić u abarot da červienia 2022 hoda
Pra heta paviedamiŭ vuzkamu kołu žurnalistaŭ premjer Raman Hałoŭčanka padčas naviedvańnia RUP «Biełmiedpreparaty». Na pradpryjemstvie prezientavali inviestycyjny prajekt arhanizacyi poŭnaha cykła farmaceŭtyčnaj vytvorčaści vakcyny «Sputnik V» na terytoryi Biełarusi.
«Prajekt realizujecca chutkimi tempami. Ciapier znachodzimsia na pramiežkavaj stadyi. Zaviaršajecca mantaž bijatechnałahičnaha abstalavańnia ad viadučaha suśvietnaha vytvorcy. U śniežni tut budzie zakładziena pieršaja validacyjnaja sieryja. Heta 10% ad pramysłovaj sieryi, jakaja pastupić na zachoŭvańnie i budzie pravierana na stabilnaść.
Kali ŭsio budzie dobra, to dalej pojduć pracedury rehistracyi ŭ Biełarusi i Rasii. Zychodziačy z hrafika, da pačatku leta nastupnaha hoda vakcyna budzie hatovaja da pastupleńnia ŭ hramadzianski abarot u Biełarusi i na ekspartny rynak. Ahulny abjom jaje vytvorčaści — bolš za 10 młn doz u hod, ź jakich 4 młn raźličana dla Biełarusi».