Aktyvistku «Źviana» Juliju Siamienčanka aryštavali na 14 sutak
Dyrektarka hramadskaha abjadnańnia «Źviano» Taćciana Hacura-Javorskaja ŭ fejsbuku piša, što 3 śniežnia zatrymali Juliju Siamienčanka — adna ź fihurantak kryminalnaj spravy suprać «Źviana».
Kala 7:30 u piatnicu da dziaŭčyny pryjšli supracoŭniki HUBAZiKa, praviali pieratrus i pavieźli na dopyt. Jula admoviłasia davać pakazańni biez advakata. Potym jaje pieravieźli ŭ Leninskaje RUUS, dzie na jaje skłali pratakoł pavodle artykuła 19.1 KaAP (Drobnaje chulihanstva). Hacura-Javorskaja adznačaje, što zhodna z pakazańniami śviedkami i pratakołam, Julija nibyta sama pryjšła ŭ RUUS, dzie pačała «pavodzić siabie ahresiŭna i zadzirliva, hučna kryčać, niecenzurna łajacca».
Akramia hetaha, rapart byŭ datavany 13 śniežnia, tamu sud zrabiŭ pierapynak, kab vypravili pamyłki. Siońnia nad Siamienčanka ŭ sudzie Leninskaha rajona adbyŭsia sud. Vynik — 14 sutak aryštu.