Ministr transpartu Litvy taksama padaŭ zajavu ab adstaŭcy
Ministr kamunikacyj i transpartu Litvy Marus Skuodzis paviedamiŭ, što padaŭ zajavu ab adstaŭcy premjer-ministru Inhrydzie Šymanicie, piša Delfi.lt.
Delfi.lt
«Učora adpraviŭ, ale, vierahodna, što rehistracyja budzie siońniašniaj dataj», — paćvierdziŭ ministr ranicaj.
Pra hatoŭnaść uziać na siabie adkaznaść za tranzit uhnajeńniaŭ «Biełaruśkalija» praź Litvu i pakinuć pasadu jon zajaviŭ u minuły čaćvier. Tady jon vykazaŭ škadavańnie ŭ suviazi ź situacyjaj i adznačyŭ, što ŭ Litvy niama vopytu ŭ realizacyi sankcyj takoha abjomu.
Ranicaj 8 śniežnia nabyli moc uviedzienyja ŭ žniŭni sankcyi ZŠA ŭ dačynieńni da «Biełaruśkalija». Ale Litoŭskaja čyhunka praciahvaje pieravozić uhnajeńni. Biełaruskaja kampanija avansam apłaciła pieravozki ŭ śniežni. Sproby viarnuć hrošy nie prynieśli plonu. U Litvie razharnuŭsia skandał.
U minułuju piatnicu zajavu ab adstaŭcy padaŭ premjeru i ministr zamiežnych spraŭ Habryjelus Łandśbierhis.
U paniadziełak zajavy ministraŭ premjer abmiarkuje z prezidentam Hitanasam Naŭsiedam.