Kab skraści ŭ 82-hadovaha piensijaniera hrošy, spačatku jamu zvanili «bankiry», a paśla — «padpałkoŭnik KDB»
Pra niezvyčajnuju schiemu kibiermachlarstva pišuć «Minsk-Naviny».
Piensijanieru na Viber patelefanavaŭ mužčyna, jaki nazvaŭsia rabotnikam Biełarusbanka. Jon paprasiŭ piensijaniera nazvać pašpartnyja źviestki, bo nibyta da depazitaŭ atrymali dostup złačyncy i treba ratavać źbieražeńni. Adčuŭšy niadobraje, pažyły mužčyna admoviŭsia heta rabić.
Paśla na praciahu niekalkich dzion jamu praciahvali telefanavać ź inšych numaroŭ i pad roznymi padstavami sprabavali pierakanać jaho źniać hrošy dla nastupnaha zaličeńnia na inšy rachunak. Ale piensijanier znoŭ admoviŭ.
Ale ŭrešcie dziaduli pazvaniŭ «padpałkoŭnik KDB» i paviedamiŭ, što supracoŭniki banka vartyja davieru i što nieabchodna prytrymlivacca ich ukazańniaŭ. Maŭlaŭ mienavita KDB kuryruje śpiecapieracyju. Dziaduli pryznačyli novaha «ahienta» ad banka, jakoj usio ž udałosia ŭvieści jaho ŭ zman. Prytrymlivajučysia ŭsich ukazańniaŭ, jon pazbaviŭsia bolš za 83 tysiač rubloŭ.