Zasnavalnik Symbal.by Pavieł Biełavus staŭ padazravanym pa kryminalnaj spravie
Učora musiŭ skončycca termin utrymańnia Paŭła, ale jaho advieźli ŭ Śledčy kamitet, a doma praviali vobšuk i kanfiskavali techniku.
Stała viadoma, što jaho spravu buduć razhladać pa 342 artykule — arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich, što karajecca aryštam, abo abmiežavańniem voli na termin ad dvuch da piaci hadoŭ, abo pazbaŭleńniem voli na termin da čatyroch hadoŭ.
Ciapier Pavieł Biełavus znachodzicca ŭ śledčym izalatary.
Paŭła Biełavusa, kiraŭnika kramy Symbal.by, pieršy raz zatrymali 15 listapada. Jamu niekalki razoŭ davali sutki.