Pjany student prakraŭsia ŭ začynieny bar na Zybickaj, uklučyŭ śviatłamuzyku — i zasnuŭ
Zdareńnie adbyłosia ŭ listapadzie, a ciapier sprava pieradadzienaja ŭ sud.
18-hadovy ŭradženiec Homiela adnu z načej pravioŭ u zabaŭlalnaj ustanovie na vulicy Zybickaj. Ranicaj na mocnym padpitku jon vyrašyŭ praciahnuć śviatkavańnie, paviedamlajuć «Minsk-naviny».
Pa darozie jamu trapiŭsia bar, ale jon akazaŭsia začynienym. Tady student staŭ bić rukami i nahami ŭ dźviery, pakul nie raźbiŭ šybu.
Uvajšoŭšy ŭnutr, małady čałaviek uklučyŭ śviatłamuzyku i nakiravaŭsia da barnaj stojki. Adnak što-niebudź nalić sabie jon nie zmoh — zasnuŭ prosta na padłozie.
Pabudzili jaho bajcy AMAPa i dastavili ŭ Centralnaje RUUS. Chłopiec raskazaŭ, što vypiŭ paŭlitra mocnaha ałkaholu, tamu ranišnija padziei pamiataje frahmientami.
Na jaho zaviali kryminalnuju spravu pavodle č. 1 art. 339 KK («chulihanstva»).