Staŭ viadomy łajfchak pa ŭładkavańni na rabotu, kali vy «palityčny»
Čytač «Našaj Nivy» raskazaŭ nam zajmalnuju historyju ŭładkavańnia svajoj blizkaj svajački-piensijanierki na pasadu prybiralščycy ŭ kamunalnuju arhanizacyju Minska. Pa słovach čytača, kab pracavać ažno cełaj prybiralščycaj, na etapie sumoŭja patrabavałasia pradastavić adras svaich sacyjalnych sietak i numara mabilnaha telefona dla analizu.
Fota: 1prof.by
Jak tłumačać «Našaj Nivie» kadraviki, heta robicca dla taho, kab pravieryć patencyjnaha rabotnika praz adno z adhalinavańniaŭ sumnaviadomaj bazy «Biesporiadki».
U hetaj bazie jość hetak zvanyja «ličbavyja identyfikatary» pa numary i adrasie sacyjalnych sietak.
Čałaviek moh trapić tudy pa roznych pryčynach: praz udzieł u inicyjatyvach, praz aparatnuju identyfikacyju na akcyjach pratestu i hetak dalej. Kali dadzienyja kandydata na rabotu ŭ dziarž. struktury znachodziacca ŭ bazie, to jaho nie biaruć. Navat prybiralščykam.
Ale jość łajfchak.
«Rekamiendacyja: stvaryć novy akaŭnt u sacyjalnych sietkach, jaki možna budzie pakazvać, i adkryć novy numar telefona. Kali praviarajuć tolki pa hetych identyfikatarach, to farmalna čałavieka ŭ bazie nie budzie, navat kali jon jość, i taki klirynh jon projdzie», — kaža nam kadravy rabotnik.