Minzdaroŭja Kazachstana: Za čas pratestaŭ u krainie zahinuli 164 čałavieki
Za čas studzieńskich pratestaŭ u Kazachstanie zahinuli 164 čałavieki, bolšaść ź ich — 103 čałavieki — u Ałmaty. Pra heta sa spasyłkaj na Ministerstva achovy zdaroŭja krainy paviedamlaje «RIA Novosti».
U Ałmacinskaj vobłaści zahinuli vosiem čałaviek, u Žambyłskaj vobłaści — 10, Kyzyłardynskaj — 21 čałaviek.
Upaŭnavažanaja pa pravach dziciaci Kazachstana Aružan Sain paćvierdziła hibiel traich niepaŭnaletnich: 11-hadovaha i 15-hadovaha padletkaŭ, a taksama čatyrochhadovaj dziaŭčynki.
Usiaho pa dapamohu miedykaŭ padčas pratestaŭ źviarnulisia 2265 čałaviek. Ź ich 1100 čałaviek — u Ałmaty, 300 — u Ałmacinskaj vobłaści, pa 200 — u Žambyłskaj i Kyzyłardynskaj abłaściach. Na hety momant u balnicach znachodziacca 719 pacyjentaŭ, u ciažkim stanie — 83 čałavieki.