U maskoŭskim SIZA skončyŭ žyćcio samahubstvam biełarus, abvinavačany ŭ seksualnym hvałcie
Heta zdaryłasia ŭ dvaccatych čysłach śniežnia, paviedamlaje Interfaks. Samahubca znachodziŭsia ŭ karcary, kudy jaho źmiaścili paśla bojki.
Infarmacyju pra zdareńnie dała siabra Hramadskaj naziralnaj kamisii Maskvy Jeva Mierkačova. Taksama jana raskazała, što ŭ tym ža SIZA ŭžo ŭ studzieni ździejśniŭ samahubstva rasijanin, jaki padazrajecca ŭ zachoŭvańni narkotykaŭ. Jon heta zrabiŭ u ahulnaj kamiery.
Jak paviedamiła «Interfaksu» nie zhadanaja krynica, pa fakcie samahubstvaŭ pravodziacca pravierki i vyśviatlajucca ŭsie abstaviny zdareńniaŭ.