Šviecyja kampiensuje nasielnictvu rost vydatkaŭ na haz
Šviedski ŭrad vydzieliŭ 6 miljardaŭ kron (664 miljona dalaraŭ) na źmiakčeńnie nastupstvaŭ rezkaha rostu vydatkaŭ na haz. Adnoj z pryčyn vysokich cen ułady jeŭrapiejskaj krainy paličyli dziejańni Rasii.
«Šviedskija spažyŭcy nie pavinny nastolki pakutavać z-za, siarod inšaha, rasijskich pavodzinaŭ na jeŭrapiejskim rynku enierhietyki», — zajaviŭ ministr enierhietyki Šviecyi Chašajar Farmanbar i padkreśliŭ, što heta vyklučnaja situacyja.
Ułady Šviecyi majuć namier dać subsidyi 1,8 miljona chatnich haspadarak, spažyvańnie elektraenierhii jakich pieravyšaje 2000 kiłavat-hadzin u miesiac.
Aptovyja ceny na poŭdni Šviecyi ŭ śniežni 2021-ha byli amal u piać razoŭ vyšejšyja, čym u tym ža miesiacy 2020 hoda. Na fonie pachaładańnia mnohija spažyŭcy sutyknulisia z prablemaj vialikich rachunkaŭ.