Łatuška i Astapovič abmierkavali pytańni achovy historyka‑kulturnaj spadčyny
Sustreča adbyłasia 7 žniŭnia. U hutarcy taksama ŭdzielničali načalnik upraŭleńnia pa achovie historyka‑kulturnaj spadčyny i restaŭracyi Minkulta Ihar Čarniaŭski i piśmieńnik Anatol Butevič.
Ministr kultury Biełarusi Pavieł Łatuška i staršynia Biełaruskaha dobraachvotnaha tavarystva achovy pomnikaŭ historyi i kultury Anton Astapovič abmierkavali pytańni achovy historyka‑kulturnaj spadčyny. Sustreča adbyłasia 7 žniŭnia.
Jak paviedamiŭ BiełaPAN Anton Astapovič, u sustrečy taksama ŭziali ŭdzieł načalnik upraŭleńnia pa achovie historyka‑kulturnaj spadčyny i restaŭracyi Minkulta Ihar Čarniaŭski i staršynia hramadskaha naziralnaha savieta pa achovie historyka‑kulturnaj spadčyny pry Minkulcie Anatol Butevič.
«My abmiarkoŭvali paradak vydačy dazvołaŭ na praviadzieńnie rabot na histaryčnych abjektach; iniertnuju pazicyju ministerstva ŭ dačynieńni da parušeńniaŭ zakanadaŭstva ab achovie pomnikaŭ; pracu respublikanskaha navukova‑mietadyčnaha savieta pa achovie historyka‑kulturnaj spadčyny pry Minkulcie; pryviadzieńnie ŭ adpaviednaść z zakanadaŭstvam paradku vydačy dazvołaŭ na archieałahičnyja daśledavańni; pierśpiektyvy i mahčymaści dalejšaha supracoŭnictva», — raskazaŭ Astapovič.
Jon ličyć, što z boku Ministerstva kultury pazicyja hramadskaści sustreła razumieńnie. Dasiahnuta damoŭlenaść ab sumiesnaj pracy pa achovie historyka‑kulturnaj spadčyny.