HUBAZiK zatrymaŭ byłoha supracoŭnika prakuratury. Śćviardžajuć, što jon pieradavaŭ infarmacyju pratestoŭcam
HUBAZiK apublikavaŭ «pakajalnaje» videa, na jakim mužčyna paviedamlaje, što jaho zavuć Aleh Jermakoŭ i z 2011 pa 2019 hod jon słužyŭ u siłavych strukturach. Praŭda, nazva na videa zapikanaja. Adnak na fotazdymku, jaki jość u videa, bačnaja prakurorskaja forma.
Fota: skrynšot videa
Aleh Jermakoŭ na videa kaža, što paśla zvalnieńnia z orhanaŭ pracavaŭ u «Biełahraprambanku» hałoŭnym śpiecyjalistam.
Na videa mužčyna kaža, što jaho zatrymali pa padazreńni ŭ ździajśnieńni złačynstva pa č. 1 art. 130 «Raspalvańnie rasavaj, nacyjanalnaj, relihijnaj ci inšaj sacyjalnaj varožaści».
HUBAZiK śćviardžaje, što Jermakoŭ pieradavaŭ dadzienyja telehram-kanału Nexta, jaki pryznany ekstremisckim.