U avaryi pad Ščučynam zahinuli 7-hadovaja dziaŭčynka i jaje babula
U aŭtorak 15 lutaha ŭ DTZ u Ščučynskim rajonie zahinuli siamihadovaja dziaŭčynka i jaje 48-hadovaja babula, paviedamlaje Śledčy kamitet. Jany jechali na taksi.
Aŭtamabil taksi pad kiravańniem 23-hadovaha mužčyny ruchaŭsia pa trasie M6 z boku Mienska. Niedaloka ad vioski Hiernika Ščučynskaha rajona pry pavarocie naleva jon nie sastupiŭ darohu mikraaŭtobusu Volkswagen, z-za čaho aŭtamabili sutyknulisia.
Aŭtamabil taksi apynuŭsia ŭ kiuviecie. Siamihadovaja dziaŭčynka — pasažyr taksi, zahinuła na miescy, a jaje babula i kiroŭca lehkavuški dastaŭlenyja ŭ reanimacyju rajonnaj balnicy, dzie žančyna praź niepraciahły čas pamierła.
Kiroŭca mikraaŭtobusa atrymaŭ pieršuju miedycynskuju dapamohu, u špitalizacyi jon patreby nie mieŭ.
Śledčyja ahladajuć miesca zdareńnia, dapytvajuć śviedak, płanujecca pryznačeńnie niekalkich ekśpiertnych daśledavańniaŭ. U dačynieńni da kiroŭcy taksi raspačataja kryminalnaja sprava za parušeńnie PDR, što mieła vynikam śmierć.