U Sankt-Pieciarburhu maładomu čałavieku i dziaŭčynie dali 15 sutak za nadpis «Dabro pieramoža»
Heta adbyłosia 5 sakavika.
«Zdareńnie» pres-słužbaj suda apisvajecca nastupnym čynam: «05.03.2022 u 06 hadzin 20 chvilin Alaksiejeva i Hulevič, znachodziačysia kala d. 5 pa nab. raki Fantanki ŭ h. SPb, ździejśnili drobnaje chulihanstva, parušyli hramadski paradak, a mienavita nanieśli bałončykam čyrvonaha koleru na ścianu doma nadpis: «Dabro pieramoža zło», a taksama na śmiećcievych bakach «NIE VAJNIE» «NO WAR» pry hetym hučna łajalisia hrubaj niecenzurnaj łajankaj».
Miarkujučy pa fatahrafii, prykładzienaj da spravy, jany napisali frazu «Dabro pieramoža», nie zhadaŭšy pra zło.