Polšča i krainy Bałtyi zaklikali ES zabaranić pieravozku biełaruskich i rasijskich hruzaŭ u Jeŭropie
Ministry transpartu krain Bałtyi i Polščy vystupili z zaklikam da ES zabaranić pieravozku hruzaŭ aŭtamabilnym transpartam u Rasiju i Biełaruś, a taksama pravoz hruzaŭ z hetych krain, piša Deutsche Welle.
«Kožny dzień Rasija ździajśniaje novyja vajennyja złačynstvy suprać mirnych žycharoŭ Ukrainy. My terminova pavinny heta spynić. Razam ź ministrami transpartu Łatvii, Estonii i Polščy my zaklikajem da dadatkovych zachadaŭ ES u nieadkładnaj zabaronie rasijskich i biełaruskich hruzavych pieravozak aŭtamabilnym i marskim transpartam», — zajaviŭ u Tvitary ministr transpartu Litvy Marus Skuodzis.
Pa jaho słovach, jon padpisaŭ supolny zvarot kiraŭnikoŭ transpartnych viedamstvaŭ čatyroch krain napiaredadni samitu ES u Brusieli.