«Adlustroŭvaje staŭleńnie da rasijskaha rubla». Biełaruskija banki vystaŭlajuć zanižanyja kursy na pakupku rasijskich hrošaj
Amal va ŭsich abmieńnikach Biełarusi zdać rasijskija rubli možna pa kursie 2 biełaruskija rubli za 100 rasijskich. TK Bank naohuł hatovy prymać rasijskija rubli za 1 rubiel 80 kapiejek. Heta ŭ 1,7 raza mienš, čym kurs, jaki skłaŭsia na biržavych tarhach 24 sakavika. A voś kali biełarusy chočuć kupić rasijskija rubli, to kurs budzie blizkim da taho, jaki skłaŭsia na biržy, — 3 rubli 31 kapiejka za 100 rasijskich rubloŭ. Čamu takaja anamalija skłałasia z rasijskim rublom «Jeŭraradyjo» spytała ŭ ekśpierta.
Na dumku staršaha analityka «Alpary Jeŭrazija» Vadzima Iosuba, pryčyna takich pavodzinaŭ bankaŭ vidavočnaja ‒ jany nie chočuć kuplać rasijskija rubli, bo jany im nie patrebnyja.
‒ Banki nie mohuć skazać: «Rasijski rubiel nam nie patrebny, tamu my jaho nie kuplajem». Jany vystaŭlajuć zaviedama zanižany kurs u nadziei, što nichto im jaho pradavać nie budzie. Banki z zadavalnieńniem buduć u vas kuplać dołary i jeŭra, prynamsi miarkujučy pa kursach. Mabyć, u ich deficyt dołaraŭ, deficyt jeŭra, asabliva najaŭnych. Bo havorka idzie mienavita pra kuplu najaŭnych u bankach.
U bankaŭ niama deficytu najaŭnych rasijskich rubloŭ. A prosta pavialičvać ich kolkaść u kasie absalutna nie treba. Na samaj spravie heta adlustroŭvaje staŭleńnie bankaŭ da najaŭnaha rasijskaha rubla.
Alaksandr Łukašenka dniami prahnazavaŭ, što biełarusy chutka buduć zmahacca, «kab u kišeni byŭ lišni rasijski rubiel ci juań», a dalar užo nikomu nie patrebny.