Ukrainskija desantniki źniščyli dźvie marskija bryhady. Pucin paśla hetaha nadaŭ im zvańnie hvardziejskich
Na poŭdni Ukrainy adna z asobnych desantna-šturmavych bryhad Uzbrojenych sił Ukrainy źniščyła padraździaleńnie ź Pieravalnaha (Krym), paviedamili ŭkrainskija ŚMI.
Asablivaść situacyi ŭ tym, što da 2014 hoda ŭ Pieravalnym bazavałasia byłaja 36-ja bryhada marskoj piachoty Ukrainy, ukamplektavanaja pieravažna žycharami Kryma, i niekatorych ź ich adpravili vajavać suprać Uzbrojenych sił Ukrainy. U rasijskaj armii jana maje numar 126.
«Zdradniki źniščanyja, ciapier jany 200-ja (zahinułyja) z 126-j bryhady bierahavoj abarony Čarnamorskaha fłota RF», — havorycca ŭ paviedamleńni ŭkrainskich Uzbrojenych sił.
Źniščanaja taksama varožaja vajskovaja technika.
Ukraincy nanieśli mocnyja ŭdary pa marskoj piachocie Rasii, kali taja vysadžvałasia na poŭdni Ukrainy. Pavodle infarmacyi zachodnich raźviedak, dźvie bryhady marskoj piachoty i bierahavoj achovy sapraŭdy byli praktyčna całkam źniščanyja ŭkrainskim ahniom. Zahinuŭ u tym liku namieśnik kamandujučaha Čarnamorskim fłotam.
Siońnia Kreml nadaŭ 126-j bryhadzie bierahavoj achovy i 155-j asobnaj bryhadzie marskoj piachoty zvańnie hvardziejskich. Heta redki krok, jaki vyłučaje čaści, što asabliva adznačylisia.