BIEŁ Ł RUS

ZŠA i ich sajuźniki raśpiačatvajuć stratehičnyja reziervy nafty

31.03.2022 / 18:13

Nashaniva.com

Pra namier raśpiačatać stratehičnyja reziervy nafty siońnia zajaviŭ Bieły dom. Rašeńnie było pryniataje paśla taho, jak stała jasna, što Saudaŭskaja Aravija i krainy Piersidskaha zaliva zastajucca ŭ aljansie z Rasijaj u ramkach OPEC+ i dadatkovaj nafty na rynak nie daduć.

Prezident ZŠA Džo Bajden

Vysokija ceny na naftu — na ruku Maskvie, jakaja z atrymanych za heta hrošaj finansuje vajnu va Ukrainie i faktyčnuju akupacyju Biełarusi.

Pastaŭki sa stratehičnych reziervaŭ tolki ZŠA składuć 1 młn barelaŭ za sutki na praciahu paŭhoda. Heta histaryčna rekordnyja abjomy. Maštab pastavak z reziervaŭ Japonii, Brytanii, Kanady i krain Jeŭrasajuza pakul nie paviedamlajecca.

Čakajecca, što prezident ZŠA Džo Bajden aficyjna abvieścić pra heta padčas vystupu ŭ čaćvier: jon vykładzie kroki administracyi pa procidziejańni rasijskamu ŭvarvańniu va Ukrainu i dla źmianšeńnia ŭnutranych cen na enierhanośbity i haz.

Čytajcie taksama:

Kamientary da artykuła