Dziaŭčynie dali 10 sutak aryštu i kanfiskavali telefon za łajk pad pastom
Pa infarmacyi pravaabaroncaŭ, 1 sakavika ŭ Haradku adbyŭsia sud nad dziaŭčynaj, jakaja pastaviła łajk pad pastom telekanała «Biełsat» u Instagram.
Fota ilustracyjnaje
Zhodna z materyjałami spravy, milicyjanty zabrali ŭ dziaŭčyny telefon, ale Instagram i Telegram byli ź jaho vydalenyja. Dziaŭčyna patłumačyła, što vydaliła ich paśla zatrymańnia, bo bajałasia, što milicyjanty mohuć znajści tam niešta «zabaronienaje».
Tady siłaviki spampavali ich znoŭ i ŭ Instagram-akaŭncie dziaŭčyny pierajšli ŭ «zachavanyja», dzie byli pakazanyja ŭsie publikacyi, jakija jana «łajknuła». Siarod hetych publikacyj byŭ post telekanała «Biełsat» z Pahoniaj, za što miascovyja milicyjanty skłali na jaje pratakoł pa art. 19.11 KaAP «raspaŭsiud ekstremisckich materyjałaŭ».
Vinu svaju na sudzie dziaŭčyna nie pryznała. Ale joj usio adno pryznačyli 10 sutak aryštu i pastanavili kanfiskavać telefon.