U Rasii prydumali muzyčnuju sacyjalnuju sietku i navat zapuścili ŭ testavym režymie
Muzyčnaja sacyjalnaja sietka «Mjuzikhram», jakaja stvarajecca śpiavačkaj Valeryjaj ź biznes-partniorami, zapuščanaja ŭ testavym režymie.
Fota: TASS
Pra heta paviedamiŭ TASS u sieradu pradziusar artystki Iosif Pryhožyn.
«My ŭžo zapuścili płatformu ŭ testavym režymie. Płanavali zrabić heta paźniej, ale ŭ suviazi z peŭnymi padziejami paskorylisia», — skazaŭ Pryhožyn.
Jon udakładniŭ, što ŭžo zapuščany sajt «Mjuzikhram», chutka źjavicca i mabilnaja prahrama.
Paviedamlajecca, što sacsietka budzie pracavać pavodle pryncypu mižnarodnaha muzyčnaha banka ź biaspłatnym dostupam dla muzykaŭ i słuchačoŭ. «Heta svajho rodu muzyčny bank. Chto zaŭhodna moža zarehistravacca, heta šyrokaja sietka, jakaja nie aryjentavanaja na niejkuju adnu krainu, heta suśvietnaja sacsietka», — raspavioŭ pradziusar.