«Vy žachnieciesia». Łukašenka znoŭ paabiacaŭ raskazać cikavaje
Hetym razam abiacańni tyčylisia zachodnich dypłamataŭ. Jany, pa słovach Łukašenki, zajmajucca ŭ Biełarusi «dziejnaściu padobna fašyzmu». Pra heta Łukašenka zajaviŭ žurnalistam u Chatyni padčas udziełu ŭ pryznačanym na siońnia ahulnadziaržaŭnym subotniku, pieradaje BiełTA.
«Kali-niebudź ja heta zrablu. Abahulnim usio dakumientalna i vyvalim, čym jany tut zajmajucca. Vy žachnieciesia. Heta ŭžo nie nacyki navat, heta ŭžo padobna fašyzmu — toje, što jany tut robiać u Biełarusi. Heta vidać u vyhladzie hetych sankcyj i cisku na Biełaruś», — skazaŭ Łukašenka.