EHU zaprašaje na novuju mahistarskuju prahramu pa publičnaj palitycy
Jana raspracavana ŭ supracoŭnictvie z fakultetam publičnaha administravańnia Lejdenskaha ŭniviersiteta (Niderłandy).
U Jeŭrapiejskim humanitarnym univiersitecie (Vilnia) da 5 vieraśnia idzie pryjom dakumientaŭ na novuju mahistarskuju prahramu «Publičnaja palityka».
Mahistarskaja prahrama raspracavana ŭ supracoŭnictvie z fakultetam publičnaha administravańnia Lejdenskaha ŭniviersiteta (Niderłandy). Jana skiravana na padrychtoŭku śpiecyjalistaŭ, jakija vałodajuć technałohijami publičnaj palityki i mohuć być jaje efiektyŭnymi ŭdzielnikami ŭ śfiery dziaržaŭnaha i hramadskaha kiravańnia.
Dla ŭdziełu ŭ prahramie zaprašajucca hramadzianie Biełarusi, jakija majuć vyšejšuju adukacyju ŭ halinie sacyjalna-humanitarnych navuk, a taksama tyja, chto maje dośvied pracy ŭ śfierach publičnaj palityki i hramadzianskaj supolnaści.
Navučańnie budzie prachodzić na biełaruskaj, ruskaj i anhlijskaj movach.
Farmat navučańnia ŭjaŭlaje saboj kambinavańnie vočnych zaniatkaŭ u Vilni i samastojnaje vykanańnie zadańniaŭ praź sistemu dystancyjnaha navučańnia. Termin navučańnia ŭ mahistratury - 1,5 hady.
Pryjom dakumientaŭ ažyćciaŭlajecca da 5 vieraśnia 2009 hoda.
Da zaviaršeńnia pieryjadu pryjomu zajavak dla ŭsich zacikaŭlenych asob budzie praviedzienaja prezientacaja prahramy ŭ Minsku, pra što budzie paviedamlena dadatkova.
Bolš padrabiazna z prahramaj možna paznajomicca na sajcie Jeŭrapiejskaha humanitarnaha ŭniviersiteta.