Najbližejšyja dni Łukašenka praviadzie ŭ Sočy
Narešcie hetu infarmacyju paćvierdziła pres‑słužba biełaruskaha lidera.
Na hetym tydni ŭ Sočy zapłanavana sustreča prezidentaŭ Respubliki Biełaruś i Rasijskaj Fiederacyi Alaksandra Łukašenki i Dźmitryja Miadźviedzieva.
Damoŭlenaść ab joj była dasiahnuta ŭ chodzie sustrečy Alaksandra Łukašenki i Dźmitryja Miadźviedzieva na niadaŭnim niefarmalnym samicie kiraŭnikoŭ dziaržaŭ — udzielnic ADKB u Kyrhyzstanie, paviedamlaje BIEŁTA na spasyłkaj na pres‑słužbu biełaruskaha lidera.
Padčas pieramovaŭ na najvyšejšym uzroŭni płanujecca abmierkavać šerah aktualnych pytańniaŭ biełaruska‑rasijskaha supracoŭnictva.
U suviazi z hetym kiraŭnik biełaruskaj dziaržavy nakiravaŭsia z rabočym vizitam u Rasijskuju Fiederacyju, dzie praviadzie bližejšyja niekalki dzion, piša BIEŁTA
Infarmacyja pra toje, što Łukašenka znachodzicca ŭ Sočy źjaviłasia ŭ piatnicu.
Jaje raspaŭsiudzili rasijskija ŚMI, pres‑słužba Łukašenki tady nijak hetuju navinu nie kamientavała.