Udary pa Lvovie, Kiravahradčynie, Adesčynie, Zaparožžy, upieršyniu — pa Zakarpaćciu. Kryłatyja rakiety źbityja pad Kijevam i Vińnicaj
Uviečary 3 maja ŭ Lvovie adbyłosia niekalki vybuchaŭ. Infarmacyju ab hetym paćvierdziŭ mer horada Andrej Sadovy.
Pavodle jaho, z-za rakietnaha ŭdaru paciarpieli dźvie elektrastancyi, u vyniku čaho ŭ niekatorych častkach Lvova niama elektryčnaści.
Mahčyma, naniesienyja ŭdary pa čyhunačnaj infrastruktury. Paviedamlajecca pra zatrymku ciahnikoŭ.
Haradski hałava Dalinskaj hramady ŭ Kiravahradskaj vobłaści paćvierdziŭ «prylot» rasijskich rakiet.
Na padlocie ŭ Kijeŭ źbili minimum adnu rakietu.
VSU źbili dźvie kryłatyja rakiety akupantaŭ nad Vińnicaj, pišuć u sacsietkach. Aficyjnych paćvierdžańniaŭ pakul mała. Ułady prosiać nie pościć zdymki vybuchaŭ, kab nie karektavać ahoń voraha.
Upieršyniu Rasija naniesła rakietny ŭdar i pa samaj addalenaj ad rasijskich i biełaruskich miežaŭ Zakarpackaj vobłaści Ukrainy.
Udar byŭ pa enierhietyčnaj infrastruktury. U vobłaści źnikła elektryčnaść.