Tajamničy samalot nad Rečyckim rajonam
Homielskaja milicyja zapłacić adzin miljon rubloŭ tamu, chto daść infarmacyju pra piłota, jaki ździejśniŭ niesankcyjanavany palot na samarobnym samalocie ŭ Rečyckim rajonie.
Homielskaja milicyja zapłacić adzin miljon rubloŭ tamu, chto daść infarmacyju pra piłota, jaki ździejśniŭ niesankcyjanavany palot na samarobnym samalocie ŭ Rečyckim rajonie.
Pra heta ahienctvu BiełTA paviedamiŭ inśpiektar pa prafiłaktycy Homielskaha adździeła unutranych spraŭ na transparcie Alaksandr Vałynski.
«Kiraŭnictva UUS pryniało rašeńnie za infarmacyju, jakaja paspryjaje ŭ pošuku piłota, vypłacić uznaharodžańnie ŭ pamiery adzin miljon biełaruskich rubloŭ», — zaznačyŭ jon.
U paniadziełak 24 žniŭnia žychary vioski Biełaje Bałota Rečyckaha rajona nazirali, jak adnamatorny samalot biez apaznavalnych znakaŭ pralacieŭ pad čyhunačny most. Na hety momant dla pošuku piłota zadziejničany amal uvieś asabovy skład transpartnaj milicyi vobłaści.