Instahram-błohiera asudzili da 4 hadoŭ kałonii. Pry zatrymańni ŭ jaho vybivali łohin i parol
U sudzie Maskoŭskaha rajona ahučyli prysud 29-hadovamu palitźniavolenamu Siarhieju Sakaŭcu.
Sudździa Taćciana Pirožnikava pa troch artykułach Kryminalnaha kodeksa pryznačyła jamu čatyry hady kałonii va ŭmovach ahulnaha režymu, paviedamlaje «Viasna».
Siarhieja abvinavačvali pa č. 1 art. 342 KK za ŭdzieł u čatyroch žnivieńskich akcyjach pratestu — 9, 16, 23 i 30 žniŭnia. Taksama jamu inkryminavali zakliki da ŭdziełu ŭ mitynhach praz Instagram, u jakim u jaho było kala 15 tysiač padpisčykaŭ.
Pa art. 367 i 368 (paklop i abraza Łukašenki) Sakaŭcu inkryminavali jaho pasty ŭ Instahramie pra toje, što ludzi chočuć pieramien i Łukašenku treba sychodzić, a jon «učapiŭsia sinimi palcami va ŭładu i trymajecca», a taksama toje, što nazyvaŭ Łukašenku «tarakanam».
Siarhiej na sudzie vinu nie pryznaŭ i zajaviŭ pra źbićcio pry zatrymańni