Rasijskija aliharchi pasłužać Ukrainie?
Kiraŭnik ukrainskaha Nacyjanalnaha ahienctva pa praduchileńni karupcyi Alaksandr Novikaŭ u intervju «Forbes Ukraina» paviedamiŭ, što zasnavalnik kampanii «Alfa Hrup» Michaił Frydman choča atrymać ukrainskaje hramadzianstva.
Michaił Frydman
Pavodle słoŭ hałoŭnaha baraćbita z ukrainskaj karupcyjaj, Michaił Frydman ciapier kansultujecca z ukrainskimi ŭładami adnosna atrymańnia ŭkrainskaha hramadzianstva i choča pierarehistravać asnoŭnyja aktyvy va Ukrainie.
Taksama, pavodle słovaŭ Novikava, taki scenaryj mahčymy i ŭ dačynieńni da inšych bujnych biznesmienaŭ ukrainskaha pachodžańnia, naprykład, Viktara Vieksielbierha, jaki rodam z Drahobyča na Lvoŭščynie.
Michaił Frydman rodam sa Lvova i daŭno padtrymlivaje siabroŭskija adnosiny z meram hetaha horada Andrejem Sadovym.
Navošta heta Ukrainie? Novikaŭ tłumačyć:
«Heta padatki, što vyhadna Ukrainie. Finansavać źniščeńnie režymu Pucina za košt rasijskich aliharchaŭ — mabyć, heta lepšaje, što moža zrabić Ukraina ŭ takich abstavinach».