Łukašenka: Usie arystakratyčnyja režymy ŭ historyi Biełarusi asacyjujucca z pryhniotam
Alaksandr Łukašenka siońnia vystupiŭ na sieminary ź viertykallu «Aktualizacyja mietadaŭ i form raboty z nasielnictvam na miascovym uzroŭni».
Łukašenka adznačyŭ, što voś užo bolš za čverć stahodździa ŭ Biełarusi metanakiravana ŭmacoŭvajuć viertykal ułady źnizu, «maksimalna nabližajučy jaje da ludziej».
Pa jaho słovach, usie viadomyja ŭ biełaruskaj historyi arystakratyčnyja režymy — kniaski, šlachiecki i carski — tryvała asacyjujucca z pryhniotam.
«Biełaruskaja ž dziaržava była stvoranaja narodam i dla siabie samoha — dla naroda. Takoj jana i zastajecca. Inšymi słovami, kažučy ab aktualizacyi formaŭ i mietadaŭ raboty z nasielnictvam na miascovym uzroŭni, my pavinny razumieć, što kiraŭničaja viertykal ni ŭ jakim vypadku nie supraćpastaŭlajecca narodu», — dadaŭ jon
«U našaj krainie, hetym možna hanarycca, čynavienski aparat nie źjaŭlajecca «žycharami nieba». Kažučy prostaj movaj, kala styrna znachodziacca nie aliharchi, nie spadčynnyja kiraŭniki, a ludzi, jakich vyłučaje na pasady samo žyćcio. I vyłučaje z svajoj huščy, z naroda», — miarkuje Łukašenka.
Pavodle kiraŭnika, čynoŭniki pavinna być pieršakrynicaj usich navin: jak dobrych, tak i niepryjemnych.