«Raśsielhasnahlad» abvinavaciŭ biełaruski bok u arhanizacyi pastavak padsankcyjnaj pradukcyi pa schiemie «iłžyvaha viartańnia»
Jak paviedamiła rasijskaja słužba, pačaścilisia vypadki viartańnia ź Biełarusi ŭ RF pradukcyi raślinavodstva, jakaja ŭvoziłasia ŭ supravadžeńni fitasanitarnych siertyfikataŭ, aformlenych terytaryjalnymi ŭpraŭleńniami Raśsielhasnahladu.
Fota: pixabay.com
«Pa infarmacyi kiroŭcaŭ transpartnych srodkaŭ, pryčyna viartańnia — nieadpaviednaść pradukcyi patrabavańniam jakaści. Pry hetym aficyjnyja dakumienty, jakija paćviardžajuć vyjaŭleńnie dziaržaŭnymi orhanami Biełarusi parušeńniaŭ, adsutničajuć», — adznačajecca ŭ paviedamleńni viedamstva.
Raśsielhasnahlad zaniepakojeny tym, što pradukcyja, jakuju nibyta viartajuć, maje prykmiety sankcyjnaj, u tym liku markiroŭku jeŭrapiejskich krain.
Raśsielhasnahlad padazravaje pradprymalnikaŭ u arhanizacyi schiemy «iłžyvaha viartańnia», jakaja vykarystoŭvajecca dla lehalizacyi ŭ RF padsankcyjnaj pradukcyi.
Słužba źviarnułasia ŭ FSB, MUS i Rastransnahlad. Biełaruskim kampietentnym orhanam nakiravanaja prośba ažyćciaŭlać viartańnie padkarancinnaj pradukcyi ŭ Rasiju ŭ supravadžeńni fitasanitarnych siertyfikataŭ z ukazańniem pryčyn viartańnia.
Raniej papularnaj była schiema «iłžyvaha tranzitu». Tavary adpraŭlalisia ź Biełarusi ŭ inšyja krainy JEAES, adnak razhružalisia ŭ Rasii.