ZŠA pradaduć Estonii RSZA HIMARS i inšuju zbroju na $500 młn
Dziaržaŭny departamient ZŠA ŭ piatnicu ŭchvaliŭ prodaž uradu Estonii reaktyŭnych sistem załpavaha ahniu HIMARS i źviazanaha abstalavańnia na sumu da 500 miljonaŭ dalaraŭ.
Adznačajecca, što Estonija źviarnułasia da ZŠA z prośbaj dazvolić nabyćcio šaści sistem HIMARS, 36 kiravanych reaktyŭnych sistem załpavaha ahniu GMLRS, 36 sistem ER GMLRS i 36 taktyčnych sistem ATACMS.
Taksama siarod pieraliku zbroi, jakuju Talin zaprasiŭ u Vašynhtona, byli puskavyja rakietnyja ŭstanoŭki LCRRPR, a taksama noŭtbuki z dadatkovaj abaronaj, navučalnaje abstalavańnie i inšyja adpaviednyja elemienty prahramnaha i materyjalna-techničnaha zabieśpiačeńnia.