Łukašenka zahadaŭ pabudavać handlovy centr na miescy iranskaha daŭhabudu ŭ Minsku. Prosta nasuprać inšaha handlovaha centra
Pra heta jon zajaviŭ siońnia padčas naviedvańnia handlovaha centra «Stalica», paviedamlaje BiełTA.
Fota: Onliner.by
Łukašenku było dałožana, što svabodnych miescaŭ u handlovym centry «Stalica» ciapier praktyčna nie zastałosia — jany ŭsie zapoŭnienyja, i pieravažna ajčynnymi brendami. Pradstaŭleny šyroki asartymient tavaraŭ nacyjanalnych vytvorcaŭ: adzieńnia i abutku, suvieniraŭ, chatniaha tekstylu, posudu, aksiesuaraŭ, charčovych tavaraŭ, mebli i šmat čaho inšaha.
«Toje, što vy zrabili narešcie za čas isnavańnia hetaha abjekta, biełaruski handlovy centr — heta ŭžo dobra», — adreahavaŭ jon. Taki ž abjekt Łukašenka daručyŭ zrabić i na miescy daŭhabuda «Mahnit Minska» na skryžavańni praśpiekta Niezaležnaści i vulicy Kalinoŭskaha. Kompleks pačali budavać jašče ŭ 2009 hodzie. Z tych časoŭ pracy tak i nie byli zavieršanyja.
Admietna, što nasuprać hetaha daŭhabudu praz darohu znachodzicca vialiki handlovy kompleks «Dana Moł».