Biełaruskaja čyhunka pryznačyła dadatkovyja rejsy ciahnika Minsk — Sankt-Pieciarburh
Biełaruskaja čyhunka vyrašyła pryznačyć dadatkovyja rejsy na najbližejšyja vychadnyja, paviedamlaje pres-słužba kampanii. Heta źviazana z pavyšanym popytam hetym letam na hety kirunak u biełaruskich pasažyraŭ.
Ciahnik Minsk — Sankt-Pieciarburh №250/249 raniej byŭ pryznačany na termin da kanca leta. Ź Minska jon adpraŭlajecca pa čaćviarhach, a nazad ź Pieciarburha — pa niadzielach.
Ciapier, praz pavieličeńnie popytu, pryznačanyja dadatkovyja rejsy hetaha ciahnika (pakul što čatyry): z Sankt-Pieciarburha 29 lipienia i 5 žniŭnia ŭ 20.40 i ź Minska — 30 lipienia i 6 žniŭnia ŭ 19.15.
Na hetyja rejsy ŭžo možna kupić kvitki. Cana płackarta składaje kala 100 rubloŭ.
U Biełarusi hety ciahnik spyniajecca ŭ Žodzinie, Barysavie, Tałačynie, Oršy i Viciebsku.