Łukašenka nadaŭ biełaruskaje hramadzianstva 463 hramadzianam Ukrainy
22 lipienia Alaksandr Łukašenka padpisaŭ ukaz ab pryjomie ŭ biełaruskaje hramadzianstva 471 čałavieka, siarod jakich 114 niepaŭnaletnich, paviedamlaje pres-słužba Łukašenki.
Biełaruskaje hramadzianstva atrymali 463 hramadzianina Ukrainy, u tym liku 33 siamji ź dziećmi. Adna z hetych siemjaŭ haduje šaściarych niepaŭnaletnich dziaciej, dvoje ź jakich naradzilisia ŭ Biełarusi.
Siarod novych hramadzian Biełarusi — kandydat ekanamičnych navuk i kandydat bijałahičnych navuk. Adzin ź ich atrymaŭ navukovuju stupień užo ŭ Biełarusi.
Sa žniŭnia minułaha hoda, paśla taho, jak Łukašenka daŭ adpaviednaje daručeńnie, u biełaruskaje hramadzianstva pryniali 4228 ukraincaŭ. Ź ich 2247 atrymali hramadzianstva pavodle ŭkaza Łukašenki.