U Rasii sychod zamiežnych kampanij chočuć kampiensavać pracaj źniavolenych
Papraŭčyja kałonii mohuć «zaniać miesca IKIEA» ŭ Rasii: jany, maŭlaŭ, prapanujuć lepšuju jakaść mebli pa bolš nizkaj canie. Pra heta na vystavie pradukcyi Fiederalnaj słužby vykanańnia pakarańniaŭ u Jekaciarynburhu zajaviŭ načalnik adździeła pracoŭnaj adaptacyi asudžanych Hałoŭnaha ŭpraŭleńnia Fiederalnaj słužby vykanańnia pakarańniaŭ Rasii pa Śviardłoŭskaj vobłaści Ivan Šarkoŭ, jahonyja słovy cytuje miascovaja presa, piša Radyjo Svaboda.
Načalnik rehijanalnaha HUFSVP Alaksandr Fiodaraŭ pajšoŭ jašče dalej i zajaviŭ, što vytvorčaściu papraŭčych kałonij moža zamianić pradukcyju i inšych zamiežnych kampanij, jakija pajšli z rynku.
«Tavaraabarot i kolkaść zaniatych na vytvorčaści ludziej hod ad hoda rastuć», — cytuje jaho vydańnie.
Pravaabaroncy šmat razoŭ krytykavali pracu źniavolenych u Rasii, nazyvajučy jaje prymusovaj i faktyčna darmavoj.
«Prymusovaja praca źniavolenych u nievynosnych, prynižajučych čałaviečuju hodnaść umovach — realnaść rasijskich kałonij», — adznačaŭ u 2021 hodzie pravaabarončy centr «Miemaryjał».
Rečaisnaść biełaruskich kałonij u hetym płanie kali i roźnicca, to chiba tolki ŭ horšy bok.