Źjaviłasia mahčymaść pravieryć anłajn, ci nie znachodzicca mašyna ŭ vyšuku
Na adzinym partale elektronnych pasłuh (APEP) dastupnyja dla zamovy novyja pasłuhi Ministerstva ŭnutranych spraŭ pa praviercy znachodžańnia transpartnaha srodku ŭ vyšuku, paviedamili ŭ Nacyjanalnym centry elektronnych pasłuh.
Fota ilustracyjnaje
Na APEP dziaržaŭnym orhanam, jurydyčnym i fizičnym asobam, a taksama indyvidualnym pradprymalnikam u režymie realnaha času dastupnyja dźvie novyja pasłuhi:
- 3.59.01 «Pravierka znachodžańnia transpartnaha srodku ŭ vyšuku pa poŭnym supadzieńni VIN»;
- 3.59.02 «Pravierka znachodžańnia rehistracyjnaha znaka ŭ vyšuku Respublicy Biełaruś abo transpartnaha srodku ŭ vyšuku ŭ Respublicy Biełaruś i SND pa rehistracyjnym znaku».
Pasłuhi płatnyja i akazvajucca na asnovie infarmacyi aŭtamatyzavanaj infarmacyjnaj sistemy transpartnych srodkaŭ. Jany akazvajucca z dapamohaj adzinaha partała ź niastrohaj aŭtentyfikacyjaj (dostup z vykarystańniem łohina spažyŭca), a taksama pa technałohii «sistema-sistema».