ES abmiarkuje poŭnuju admovu ad sproščanaj vydačy viz biełarusam i rasijanam
Hetaja miera ŭskładnić zbor dakumientaŭ i pavysić konsulski zbor.
Čechija prapanuje krainam ES poŭnaściu admianić sproščany paradak vydačy šenhienskich viz hramadzianam RF i Biełarusi. Pra heta paviedamlaje Bloomberg sa spasyłkaj na kiraŭnika MZS Čechii Jana Lipaŭskaha.
Prapanova budzie razhledžanaja na niefarmalnaj sustrečy ministraŭ zamiežnych spraŭ krain Jeŭrasajuza ŭ Prazie na nastupnym tydni.
U vypadku pryniaćcia hetaj miery kolkaść dakumientaŭ, nieabchodnych dla atrymańnia turystyčnaj vizy, uzraście, konsulski zbor pavialičycca z 35 da 80 jeŭra, a zajaŭki buduć razhladać daŭžej.
Bloomberg nazyvaje prapanovu «kampramisnym rašeńniem». Šerah krain, jakija miažujuć z RF, ES, u tym liku Estonija i Finlandyja, prapanujuć spynić vydaču viz rasijanam. Inšyja krainy, u tym liku FRH, vystupajuć suprać takich abmiežavańniaŭ.