«Śviet usio jašče zdolny zrabić jamu prapanovu, ad jakoj jon nie zmoža admovicca». Łatuška prapanavaŭ Zachadu pastavić Łukašenku ultymatum
Staršynia Nacyjanalnaha antykryzisnaha ŭpraŭleńnia, pradstaŭnik Abjadnanaha pierachodnaha kabinieta pa tranzicie ŭłady Pavieł Łatuška, vystupajučy na Minskim forumie ŭ Varšavie, raskrytykavaŭ krainy Zachadu za niedastatkovuju, na jaho dumku, reakcyju na masavyja represii ŭ Biełarusi, pasadku samalota Ryanair, mihracyjny kryzis na miažy, paviedamlaje «Pozirk».
Pavodle słoŭ Łatuški, Łukašenka pieratvaryŭsia «z terarysta ŭ vajennaha złačyncu», i da hetaha ŭ tym liku pryviała palityka «supakajeńnia dyktatara» ŭ papiarednija hady.
«Pazbaviŭšy Kreml jaho adzinaha sajuźnika, my možam źmianić chod vajny.
I ja pierakanany, što śviet usio jašče zdolny zrabić Łukašenku prapanovu, ad jakoj jon nie zmoža admovicca. Ale prapanovu z pazicyi siły. Ultymatum», — zajaviŭ palityk.