Jak vyhladaje paśla rasijskaha pałonu abaronca «Azoŭstali», čyje foty ablacieli śviet. Źniasileny i niazłomny
Viadomyja ŭkrainskija fatohrafy Kanstancin i Ułada Libieravy apublikavali zdymki lehiendy Azoŭstali — bajca «Azova», fatohrafa Dźmitryja Kazackaha, viadomaha pad nikam Arest. Jaho foty ašałamili śviet.
Usie fota: libkos / Instagram
Libieravy apublikavali fota Dźmitryja Kazackaha ŭ instahramie.
«U pieršy dzień doma ja pajšoŭ u barbieršop, padstryhsia i pahaliŭsia. Ja nikoli nie chacieŭ vyhladać achviaraj». Hetyja słovy kažuć pra Aresta vielmi šmat. Jaho zdymki stali simvałam niazłomnaści ŭkrainskaj nacyi, i kali vy spytajecie nas siońnia, chto zrabiŭ hałoŭnaje fota hetaj vajny, našym adkazam budzie — jon, Arest», — napisali Libieravy.
Dźmitryj Kazacki staŭ adnym z 215 ukrainskich vajennapałonnych, jakich viarnuli z rasijskaha pałonu. Ź ich — 108 — abaroncy «Azoŭstali». Ich abmianiali na kuma Pucina, ukrainskaha aliharcha Miedźviedčuka.
Samaje znakamitaje fota Kazackaha z «Azoŭstali»