Ukrainu znoŭ bambili ź Biełarusi. Upieršyniu sa žniŭnia
Ranicaj 6 kastryčnika rasijskaja avijacyja naniesła rakietny ŭdar pa Ukrainie z terytoryi Biełarusi. Pra heta «Ukrainskaj praŭdzie» paviedamiŭ namieśnik načalnika hałoŭnaha apieratyŭnaha ŭpraŭleńnia Hienštaba USU Alaksiej Hromaŭ.
«Siońnia ranicaj čatyry samaloty Tu-22 M3 stratehičnaj avijacyi krainy-ahresara z pavietranaj prastory Biełarusi nanieśli avijacyjny ŭdar pa terytoryi Ukrainy. Papiaredniaje prymianieńnie avijacyi z hetaha napramku było 28 žniŭnia», — skazaŭ jon.
Jak udakładniŭ «Ukrainskaj praŭdzie» śpikier Pavietranych sił Juryj Ihnat, havorka idzie pra udar pa Chmialnickaj vobłaści rakietami Ch-22.
Adna rakieta ŭpała pobač ź infrastrukturnym abjektam. Inšaja — na pustcy. Zahinułych i paciarpiełych nie było.