U Minsku źjavilisia ekśpierymientalnyja prypynki z pakryćciom z bruku i bietonu
U jakaści ekśpierymientu ŭ Zavodskim rajonie Minska źjavilisia prypynki hramadskaha transpartu z pakryćciom z bruku i bietonu, paviedamlaje ahienctva «Minsk-Naviny». Robicca heta z metaj likvidacyi kalain.
Fota: Minsk-Naviny
Piłotny prajekt pa zamienie asfaltabietonnaha pakryćcia na prypynkach realizuje «Remaŭtadar Zavodskaha rajona». Adznačajecca, što ekśpierymient pravodzicca na prypynkach «Kalcavaja daroha» (vulica Hierasimienki) i «Aŭtastancyja «Aŭtazavodskaja» (vulica Mašynabudaŭnikoŭ).
U pieršym vypadku było vykanana brukavańnie kišeni prypynačnaha punkta z brukavanaha kamienia, u druhim — ź bietonu. Adznačajecca, što zimovy i letni pieryjady pavinny pakazać stupień ustojlivaści pakryćciaŭ.
U vypadku pośpiechu novyja technałohii (ci niejkaja adna ź ich) mohuć być vykarystanyja pa ŭsim horadzie.
Raniej kalainy likvidavali z dapamohaj asfaltabietonu padvyšanaj defarmacyjnaj ustojlivaści. Adnak, jak pakazała praktyka, u mocnuju śpioku, pry +30°C i vyšej, hetaja technałohija nie spraŭlajecca.