Polšča pierastanie płacić za pražyvańnie ŭkrainskich uciekačoŭ
Z Novaha hoda ŭciekačy z Ukrainy, jakija karystajucca punktami kalektyŭnaha pražyvańnia ŭ Polščy, pavinny buduć udzielničać u vydatkach na pražyvańnie, a praź niekalki miesiacaŭ apłačvać jaho całkam. Pra heta paviedamlaje vydańnie Rzeczpospolita.
Fota: Karal Makurat/Reporter
Usiaho ŭ takich punktach spynialisia 386 tysiač ukraincaŭ, ciapier u ich žyvuć bolš za 85 tysiač. 93% uciekačoŭ — žančyny i dzieci. Polski ŭrad tłumačyć, što u dziaržavy zakančvajucca srodki na ich utrymańnie.
Pražyvańnie, charčavańnie, transpart i vypłaty pa 40 złotych u dzień na adnaho čałavieka ŭžo abyšłosia dziaržavie ŭ 4,1 młrd złotych. Na roznyja dapamohi, naprykład, pa 500 złotych u miesiac na dzicia, vydatkavana jašče 1,4 młrd złotych. Usiaho, takim čynam, polskaja dziaržava na dapamohu ŭkrainskim uciekačam vydatkavała 5,5 młrd złotych (kala 1,1 młrd jeŭra).
Akramia taho, suśvietnyja daśledavańni śviedčać, što aptymalnaja dapamoha biežancam pavinna doŭžycca da adnaho hoda. Bolš praciahłaja dapamoha pieraškadžaje ludziam viarnucca da pracy i samastojnaha žyćcia.