Paškodžanyja abo patoplenyja try rasijskija nośbity kryłatych rakiet VIDEA
Žurnalist i błohier Andrej Caplijenka vykłaŭ u siabie ŭ telehram-kanale 4-chvilinnaje videa, na jakim mierkavana kadry z atakaj na karabli Čarnamorskaha fłotu Rasii ŭ Sievastopali.
Caplijenka śćviardžaje, što ŭ vyniku načnych vybuchaŭ u Sievastopali byli paškodžanyja jak minimum try karabli z rakietami «Kalibr». Siarod ich frehat «Admirał Makaraŭ». Isnuje vierahodnaść, što niekalki karabloŭ nie prosta paškodžanyja, ale i patoplenyja.
Rasijskaje ministerstva abarony paćvierdziła fakt ataki na karabli Čarnamorskaha fłotu, abvinavaciŭšy ŭ jaje padrychtoŭcy Vialikabrytaniju. Brytanija nazvała abvinavačvańni chłuślivymi.
Ukrainski bok ataku nie kamientuje. Ale siońnia ranicaj na staronkach SBU ŭ sacsietkach było apublikavanaje paviedamleńnie z tekstam «It's BAVOVNA o'clock!».